Record

Hinrich von Aschwarden verpfändet mit Zustimmung seines Vetters Wrideken zu Asschwarden nach vier Jahren wieder einlösbar für sechzehn Mark seinem Bruder Vrederke, Diener und Pfründner des Klosters Lilienthal, eine halbe Hufe Land zu Aschwarden, die Caouent bewirtschaftet. Ausfertigung Pergament, 33,5 x 14,5 cm. - Rep. 3 Lilienthal, Nr. 280. - 2 Siegel angehängt: 1. Hinrich von Aschwarden, 2. Wrideken von Aschwarden, beide Siegel von Aschwarden I nach Trüper, Ritter und Knappen, S. 978. - Abschrift: StA Stade, Dep. 10, Fa-3, Nr. 1 (Hodenberg, UB Lilienthal; 19. Jh.), Nr. 219 nach + Kopiar Lil. II, 149, Nr. 269. Ik Hinric, Hermens sone van Asworden, bekenne unde betoughee openbare in dessen breve vor allen luden, de ene seet afte horet lesen, dat ik mid willen/ unde mid volbord Wrydeken, mines vedderen tou Asworden, unde miner erouen, bornen unde anebornen, hebbe gheset unde seette vor enen rechten/ weddescat Vrederke, minen brodere, dese en denere is des klosters tou deme Lylyendalee unde en provenere dar tou, unde den ghenen,/ de dessen bref heft mid sinen willen, en half land tou Asworden an dyke, an damme, an velle, an wathere, an weyde mid aller rechtheyt,/ de dar tou horet, unde nou tu tyden bouwet Caouent, vor sesteyn Bremer mark ghelt, alzo gynghee unde gheve is uppe der wessele tou/ Bremen in mounthee unde in tale, unde sint mi degher unde al wol betalet. Des vore screvenen halven landes scal ik unde willee Hinryc,/ Hermens sone, Wrydeke, min veddere, unde mine erouen em en recht warent wesen, wanner, wo dyckee hee des behovet Vrederic min broder/ voreghescreven ofte deghene, de dessen bref heft mid sinen willen sounder ienegherhande arghelist. Vortmer so mach ik Hinric, Hermens/ sone, ofte mine erouen dat halve land wedder losen, wan ver jar umme komet, de nou neghest tou komendee sint unde er nicht, so mach/ ik dat den losen mid minen eghenen ghelle

NLA ST, Rep. 3 Lilienthal, Nr. 280

NLA ST, Rep. 3 Lilienthal Zisterzienserinnenkloster Lilienthal - Urkunden

Zisterzienserinnenkloster Lilienthal - Urkunden >> 1 Urkunden in chronologischer Reihenfolge

20.01.1392

Enthält: unde ik soulouen tou broukene und tou segene unde anders nemende tou ghoude tou dounne. Wo ik/ ofte mine erouen koundeghen na den ver jaren Vrederke, minen brodere voreghescreven, ofte den ghenen, de dessen bref heft min sinen/ willen de losinghee dar beouoren in den tvelf nachten tou Wynachten, so scal ik em gheven de sessteyn Bremer mark des neghesten/ sounthe Peters daghee dar na. Were dat des nicht unde schoude, so blyft dat en recht weddescat went alzo langhee, dat Vrederke ofte/ den ghenen, de dessen bref heft mid sinen willen, de sesteyn Bremer mark wedder bered, alzo tou Bremen vor der wessele ginghe unde gheve/ sint. Alle desse vorescrevenen ding, dese hir vorescreven stat unde nomet sint, de love ik touvoren Hinric, Hermens sone, Wrydeke,/ min veddere, hee mid mi unde ik mid en mid samender hand en trouwen Vrederke, minen brodere, unde den ghenen, de dessen bref heft/ mid sinen willen, stede unde vast tou holdene unde ounvorbroken sounder jenegherhande houlperedee, nievonde unde al arghelist out ghe/seghet, de Vrederke, minen brodere, ofte den ghenen, de dessen bref heft mid sinen willen moghen tou hindere ofte tou scaden/ komen in den vorescrevenen halven lande. Unde hebbet em dat ik Hinric, Hermens sone, Grethee, min echte housvrowe, Wry/deke, min veddere, ghelaten unde satet redelke unde rechtleke up vor deme kerspele tou den Broke uppe deme kerchove. Tou ener/ meren betouginghee unde tou ener rechten warscop alle desser vorescreouvenen ding, de see hir vorescreouen stat unde nomet sint,/ so hebbe ik Hinric, Hermens sone, touvoren Wrydeke, min vedderen tou Asworden, wy mid willen unde mid wisscop uze inghe/zeghele ghehanghen an dessen bref. Datoum anno domini Mo CCCo nonaghezimo secundo, ipso die Fabiani et Sebastiani martirum. Datierung: 1392 Januar 20, Bruch

Verzeichnung

Aschwarden (Aschwerde, Aschworde, Aschwurden, Asquarde, Asquerden, Asscherden, Assverden, Asswerde, Aswerden, Asworden),

Bruch (Broke), Kirchhof

Aschwarden, Hinrich von

Public Domain Mark 1.0 Universal

Object in the 'Deutsche Digitale Bibliothek'

16.06.2025, 1:30 PM CEST