Wilhelm und Cord von Gröpelingen und Martin Schwarting verzichten auf alle Ansprüche an ein Gut in Marßel, das ihr Vater als Meier bewirtschaftet hatte, zugunsten des Klosters Lilienthal. Ausfertigung Pergament, 34 x 11 cm. - Rep. 3 Lilienthal, Nr. 298. - 6 Siegel angehängt, 1. und 6. fehlen: 2. Cord von Gröpelingen, 3. Merten Swarting, 4. Bernhard, Kanoniker an St. Wilhadi (?), nur als Bruchstück anhängend, 5. Gerverd von Gröpelingen, von grünem Wachs. - Rückvermerk: De anclegers (15. Jh.); item en vorlatinge to Mersele (16. Jh.). Wy Williken unde Cord, Syverdes sonen van Gropelinghe, unde Merten Swartink bekennet unde betuget openbare an dessen ieghenwardigen/ breve, dat wi ansprake hebben ghedaen an des closteres vrye erve gouede van den Lyliendale, dat gheleghen is an den dorpe to Mersele, dat/ Syverd unze vader ghebuwet hadde vor enen meyer, unde anderes nen recht dar an hadde, des zunt wy oc wol berichtet van un/zen vrunden, alzo dat wy unde unzen erven nicht rechtes in den vorebenomden en hebbet unde latet dat quit unde los van aller anspra/ke, de wy unde unze erven nu unde iummer mer an doen moghen. Dat wy desser vorticht truweliken unde vaste holen willen zunder ieni/gherleye arghelyst, hulperede unde nyevunde, zo hebbe wy unz inghezegele witliken unde myt goueden willen hangen to dessen ieghen/ wardighen breve. Oc zo hebbe ic Bernardus, eyn canonicus an der kerken to sunte Wilhade to Bremen, unde Gerverd van Gropelinghe,/ Merten van der Lesmanne, ratmanne der stat to Bremen, dat wy dar an unde over wezen hebbe an dessen deghedingen, zo hebbe wy/ oc unze inghezegele to ener mereren betuchnisse umme bede willen mede hangen to dessen breve. Gheven unde screven na godes/ bord duzent iar dre hunnert an den sefden unde neghentegesten iare, des negesten dages sunte Magnes des hylgen bysscopes.
Public Domain Mark 1.0 Universell