Lateinische Bulle von Papst Sixtus IV. dar inn derselb babst die freyhait den von Nürmberg und iren underthan von kaiser Karln und kaiser Friderichen gegeben, auf Innhalt, das die von Nürmberg und Ir underthan, auch ir hab und gütter nynndert anders dann vor irem Schulthaiß in Recht gezogen und auf kein Lanndgericht des Burggrafthumbs zu Nürmberg zu Bayern und zu Franncken noch sunst ainich ander Senndgericht umb ainich weltlich sach geladen werden sollen, bestettigt und approbiert, und darauf den Abbten zu den Schotten zu Wurtzburg, zu S. Gilgen zu Nurmberg und zu den Schotten Sannt Peter zu Ertfurt, gebetten hat, das sie die von Nurmberg und die iren bey sollichen iren freyhaitten hanndhaben und sie wider den Innhalt derselben nit beswert werden lassen sollen.
