Record

Hinrich Wrall aus Bremen, Daniel von dem Rynsberg und Klaus Sinnige ab Vormunde für die Kinder des Albert Sinnige verkaufen für Albert, Coneken und Aleken, Kinder Alberts Sinnige für achtundzwanzig Mark wiederkäuflich dem ehemaligen Bürgermeister von Bremen, Johann Hemeling, ein Stück Land mit Hof und Wurt bei der Vorsater Brücke [in der Vahr]. Ausfertigung Pergament, 25 x 24 cm. - Rep. 3 Lilienthal, Nr. 398. - 5 Siegel angehängt, 1. und 2. fehlen: 3. Claus Sinnige, 4. Claus Gröning, 5. Gerd Beverstede. - Rückvermerk: De Synnigen stan tor lose (15. Jh.). - Regest: StA Stade, Dep. 10, Fa-3, Nr. 1 (Hodenberg, UB Lilienthal; 19. Jh.), Nr. 279 nach +Kopiar Lil. II, 149, Nr. 95. Wy Hynrick Wrall wonachtich binnen Bremen, Daneel van deme Rynesberghe unde Clawes,/ sone wandages Albertes Synneghen, bekennet unde betughet in dessem breve,/ dat wy also vormundere Albertes, Coneken unde Aleken, brodere unde sustere des vor/benomden Clawezes unde kindere des ergenomden Albertes gheheten Synnighe, myt eren unde alle/ erer erven willen unde vulbort hebbet vorkofft unde vorkopet in dessem breve deme be/scheydenen manne hernn Johanne Hemelinge, in vorganden tiden borghermestere to Bre/men, synen rechten erven unde deme holdere desses breves sunder ere weddersprake vor/ achte unde twintich Bremere marck, so to Bremen vor der wessele ghinge unde gheve/ sint, de uns de erghenante her Johan Hemelingk in reden telleden ghelde degher unde/ all betalet hefft, der vorscrevenen kindere een stucke landes, dat sick strecket dor dat velt/ myt deme hove unde wurd gheleghen by der Vorsater brugge by deme gude des erghe/ nomden hernn Johans Hemelinges ynt westen to male vry myt tegeden, tynse, vo/ gedye unde myt alleme rechte unde tobehorde to eneme steden rechten vasten ewigen/ ervekope van rechten ervekopes weghene eweliken unde vryliken to brukende unde/ to boholdende. Unde wy hebbet en

NLA ST, Rep. 3 Lilienthal, Nr. 398

NLA ST, Rep. 3 Lilienthal Zisterzienserinnenkloster Lilienthal - Urkunden

Zisterzienserinnenkloster Lilienthal - Urkunden >> 1 Urkunden in chronologischer Reihenfolge

27.02.1425

Enthält: ghelaten unde latet in dessem breve den eghendom,/ were unde besittinge des vorscrevenen enen stucke landes, dat syck strecket dor dat velt,/ myt deme hove unde wurd myt tegheden, tynse, voghedye unde myt alleme rechte unde to/behorde, so men egendom, were unde besittinge vryes ervegudes van rechte to latende/ plecht. Vortmer hebbe wy Hinrick Wrall unde Daneel van deme Rynesberghe unde Cla/wes also vormundere der vorbenomden Albertes unde Coneken unde Aleken vorscreven ghelo/vet myt samender hant in guden truwen unde love in dessem breve deme vorbenomden heran/ Johanne Hemelinge, dat wy unde unsse erven scullet unde willet eme, synen rechten erven/ unde deme holdere desses breves sunder ere weddersprake desses vorscreven enen stucke/ landes, dat syck strecket dor dat velt myt deme hove unde wurd myt tegheden, tynse,/ voghedye unde myt alleme rechte unde tobehorde unde syner vryheit rechte warende/ wesen, wanne, wor unde wo dicke en des not is. Unde de ergenomde Johan Hemelingk hefft/ uns de sunderghen ghenade gheven, dat wy unde de vorbenomden Albert, Coneke unde Aleke/ unde ere erven moghen desset vorscreven een stucke a landes, dat syck strecket dor/ dat velt myt deme hove unde wurd unde myt alle rechte unde tobehorde, also hir/ vorscreven steyt, wedder kopen van eme, synen rechten erven unde deme holdere desses bre/ves sunder ere weddersprake in allen sunte Peters daghen, also he uppe den stol ghe/set wart, vor de vorscreven achte unde twintich Bremer marck, wo wy en den wedderkop/ kundeghen in den hilghen twelef dagen to Wynachten, de den vorscreven sunte Peters/ dage negest vorgande sint. Des to tughe hebbe wy Hinrick, Daneel unde Clawes also/ vormundere der ergenomden Albertes, Coneken unde Aleken unse ingheseghele myt witscup/ unde willen hangen to dessem breve. Unde wy Clawes Groning, borgermester, unde Ghert/ Beverstede, borgher to Bremen, to mererer

Enthält: betuginge, dat desse vorscreven stucke in/ unser yeghenwordicheit bekand sint, so hebbe wy unsse ingheseghele umme bede wil/len mede hangen to dessem breve. Datum anno domini millesimo quadringentesimo/ vicesimo quinto, feria tertia proxima post festum beati Mathie apostoli. a Vorlage hat doppelt stucke.

Verzeichnung

Beversete (Beversate, Beversatia), Gerd, Bg in Bremen (1425)

Beversete, Gerd

Public Domain Mark 1.0 Universal

Object in the 'Deutsche Digitale Bibliothek'

16.06.2025, 1:30 PM CEST